സോഫ്റ്റ് ആയിട്ട് നല്ല പഞ്ഞി പോലെ ഉള്ള ഇഡ്ഡലി

ചേരുവകൾ

• ഇഡ്ഡലി റൈസ് /പൊന്നി അരി – 4 കപ്പ്

• ഉഴുന്ന് -1 കപ്പ്

• ഉലുവ -അര ടീസ്പൂൺ

• അവൽ-4 ടേബിൾസ്പൂൺ

• ദോശ /ഇഡ്ലി മാവ് 2ടേബിൾസ്പൂൺ

മാവ് തയാറാക്കേണ്ട വിധം

• അരിയും ഉഴുന്നും ഉലുവയും വെള്ളം തെളിയുന്നത് വരെ കഴുകിയെടുത്തതിന് ശേഷം വെള്ളത്തിൽ കുതിർക്കാൻ വയ്ക്കുക.

• അരി നാല് തൊട്ട് അഞ്ച് മണിക്കൂർ വരെയും ഉഴുന്ന് മൂന്ന് മണിക്കൂർ നേരവും കുതിർത്തുക.

• മൂന്ന് മണിക്കൂർ കഴിഞ്ഞു ഉഴുന്നിന്റെ വെള്ളം എടുത്ത് ഫ്രിഡ്ജിൽ വയ്ക്കുക.

• അവൽ ഒരു പ്രാവശ്യം കഴുകിയാൽ മതി.

• ഉഴുന്ന് ഒരു കപ്പിന് ഒന്നര കപ്പ് വരെ വെള്ളം ചേർത് നല്ലതു പോലെ അരയ്ക്കുക. ഫ്രിഡ്ജിൽ വച്ച് തണുപ്പിച്ച വെള്ളം ചേർത്ത് അരയ്ക്കണം.

• ഉഴുന്ന് ചൂടാവാതെ സോഫ്റ്റ് ആയി അരഞ്ഞിട്ടുണ്ടെങ്കിൽ മാവിന് മുകളിൽ കുറെ കുമിളകൾ ഉണ്ടാവും.

• ഉഴുന്ന് ചൂടായിട്ടുണ്ടെങ്കിൽ ഇഡ്ഡലി സോഫ്റ്റാകില്ല.

• വെള്ളം ആവശ്യത്തിന് ഒഴിച്ചില്ല എങ്കിൽ ഇഡ്ഡലി കട്ടി ഉള്ളതായി മാറും.

• കുതിർത്ത് വച്ച അരി റവയുടെ പരുവത്തിൽ അരച്ചെടുക്കുക.

• രണ്ട് കപ്പ് അരിയ്ക്കു മുക്കാൽ കപ്പ് വെളളം മതിയാകും. തീരെ അരഞ്ഞു പോകരുത്

• അവൽ നന്നായി അരച്ചെടുക്കുക

• ശേഷം ഒരു ടീസ്പൂൺ ഉപ്പ് ചേർത്ത് മാവ് നല്ലത്പോലെ കൈകൊണ്ടു കലക്കുക.

• ഉഴുന്നും അരിയും നല്ലപോലെ മിക്സ് ആകാൻ രണ്ട് മിനിറ്റ് ഒരേ പോലെ കലക്കണം.

• മാവ് പുളിയ്ക്കാൻ വയ്ക്കുക 5 മണിക്കൂർ തൊട്ട് 7 മണിക്കൂർ വരെ

• മാവ് പുളിച്ചു വന്നതിന് ശേഷം ഒരു ഇഡ്ഡലി തട്ടിൽ എണ്ണ പുരട്ടി ആവശ്യത്തിന് ഉപ്പും ഇട്ട് മാവ് കോരി ഒഴിയ്ക്കുക.

• അഞ്ച് തൊട്ട് ഏഴു മിനിറ്റ് വരെ ആവിയിൽ വേവിയ്ക്കുക. ബാക്കിയുള്ള മാവ് (ഉപ്പ് ചേർക്കാതെ) ഫിഡ്ജിൽ സൂക്ഷിക്കാം.

PC: https://www.instagram.com/plates_and_roads